"ANAK kita sa isang Irish. Iniwan kita sa ampunan dahil wala akong alam na magiging trabaho noon at napakabata ko pa.."

"Then, bakit hindi mo 'ko binalikan? Sanggol pa lang nang iwan mo 'ko ro'n. Napakaraming pagkakataon na maaari mo 'kong balikan," ayaw man ni Ashey, nagtunog- sumbat pa rin ang pinakawalan niyang salita sa nanay raw niya. Sa totoo lang, hindi niya alam kung ano ang mararamdaman. Ito na yata ang tinatawag nilang kamanhidan? Kasi, wala e. Kahit katiting na affection, wala siyang madama para sa ina. To say na may lukso ng dugo, oo, siguro, yata, kanina? Nang makita niya ito sa unang pagkakataon. Pero hanggang do'n lang....