"Marianne, magpahinga ka kaya muna?"

Lumingon ako at nakitang nakatayo si Ryan sa entrance door ng flower shop ko. Napangiti ako at sumagot, "Madaming orders ngayon. Di ako pwede mag-pahinga. Sayang ang benta."

Ngumiti si Ryan at umupo sa paborito niyang pwesto malapit sa counter. "Si Amy?"

"Mahimbing ang tulog nung iniwan ko. Kasama si Gio, ang new best friend niya," nakangiti kong tugon habang nag-aayos ng mga bouquet ng pinagsasamang iba't ibang bulaklak.

"Walang pasok?" tanong ulit ni Ryan. Gumalaw ito at umaktong tutulong na naman sa akin gaya ng nakagawain niya sa tuwing bumibisita siya sa shop ko.

"Wag ka na tumulong, kaya ko na to. At oo,...